हंसा तो मोती चुगे

ध्यानी नहीं शिव सारसा, ग्यानी सा गोरख
रमै रमै सूं निसतिरयां, कोड़ अठासी रिख

हंसा तो मोती चुगै, बगुला गार तलाई
हरिजन हरिसूं यूं मिल्या, ज्यूं जल में रस भाई

जुरा मरण जग जलम पुनि, ऐ जुग दुःख घणाई
चरण सरेवां राज रा, राख लेव शरणाई

क्यूं पकड़ो हो डालियाँ, नहचै पकड़ो पेड़
गउवां सेती निसतिरो, के तारैली भेड़

साधां में अधवेसरा, ज्यूं घासां में लांप
चल बिन जौड़े क्यूं बड़ो, पगां बिलूमै कांप

हुलका झीणा पातला, जमीं सूं चौड़ा
जोगी ऊँचा आभ सूं, राई सूं ल्होड़ा

होफां ल्यो हरनांव की, अमीं अमल का दौर
साफी कर गुरु-ज्ञान की, पियोज आठूं प्होर

रचयिता - सिद्ध लालनाथ जी