सिंभूधड़ो - भाग २

ओं बडोत सिंभू सिरजणहार, सर्वे रूप कियो विसतार
पाये धरती सीस गैणार, ता सिंभूनै निमस्कार
धरती माता ओपण सिंभू, सर्वासर्व सहिलुं भार
गैणा रूपी ओपण सिंभू, तारा मंडळ तारोतार
चंदा रूपी ओपण सिंभू, वाळी मूरत बाळ कुंवार
सूरज रूपी ओपण सिंभू, आभ जोत तपै दीदार
पाणी रूपी ओपण सिंभू, झर झर वरसै अमी फुंवार
विसना रूपी ओपण सिंभू, केवट जीमै अणंत आहार
पौणा रूपी ओपण सिंभू, गाजै बाजै ह्यांळी हांसै सर्वासर्व सहिलुं भार
जुग चौफेरी आप उपन्ना, प्रळै प्रळै धंधुकार
बाहर सिंभू आप उपन्ना, भीतर सिरज्यो सौ’ संसार
इतरे चिळते जोग ज लेणो, म्हे पण सोहां तिण गुरु लार
जिण गुरु रो ज्ञान पुराणों, सरा नुवीं है, सुणल्यो दुनिया एह विचार
अंत न दीनो भेद न पायो, तातै कुहायो अलख अपार
गुरु प्रसादे गोरख वचने जसनाथ बांचै इमरत निज सारां ही सार